Rotativa Cúbica

Mal raio nos parta

Por Redacción

Dende ás 21h de onte mércores, Galiciae, El Progreso e o Diario de Pontevedra están a sufrir ‘dolencias’ de diversa consideración. A máis grave, a folga de servidores caídos que durou boa parte da última noite.

Desta vez, os causantes non foron os ”trasnos” de hai algún tempo, senón que un raio visitou as proximidades da redacción (moi preto da sede da SGAE, por certo…).

Eses outros seres estraños que chamamos informáticos aseguran que o servizo xa está restaurado por completo. A eles nos encomendamos. E no caso de que non sexa así, que Santa Bárbara nos asista.

En todo caso, desculpen as molestias

Desculpen as molestias (I)

Por Redacción

Os “trasnos da electrónica” (que tamén adoptan nomes e formas variables como ‘Gremlins’, ‘Virus’ ou ‘Windows’) viñan seguramente de ter festa rachada cando a tomaron co noso servidor o pasado sábado.

Non houbo forma de botalos da redacción ata primeira hora da tarde, así que Galiciae.com non estivo accesible ou só era posible entrar despois de varios minutos de espera.

Desculpen polo tanto as molestias.