Ola Mundo!
Por Redacción
Dec 2Aquí está, en Beta -“moi Beta de Dios”-, pero está, que é o que conta. Despois dalgunhas noites de moi pouco durmir (e aínda quedan unhas cantas), Galiciae.com abre as súas portas. Sexan todos benvidos.
Nas próximas semanas iremos incorporando novas funcionalidades a esta versión “light” que estreamos hoxe, ao tempo que iremos arreglando as cousas que vaiamos rompendo. Algunhas novidades témolas xa na cabeza; e outras moitas agardan no “limbo” a que as rescatedes. Non sexades malos, se atopades algunha, axudádelle a encontrar o camiño…
Galiciae é unha nova cabeceira, herdeira da “semente” de Xeración Web. Pero ao mesmo tempo, pretende ser o núcleo dunha plataforma na que se vaian integrando os diferentes medios dixitais do grupo El Progreso. Cada xornal contará coa súa propia autonomía en canto a estilo e contidos, aínda que se se buscarán sinerxias e estratexias comúns.
De inicio, xunto a Galiciae intégranse as webs de El Progreso de Lugo e o Diario de Pontevedra, aínda que a migración de todos os contidos e arquivos será paulatina. Nas próximas semanas, iranse sumando a este proxecto os que xa están colgados na Rede e outros que están por vir.
Por suposto, todo aviso e axuda sobre os fallos que vaiades atopando será benvida, especialmente nestes primeiros días de certa complexidade. Sen vós, pouco podemos facer.
Xa vexo que as horas de traballo deron os seus froitos… Agora só queda desexarvos forzas para o que virá (non vou desexar sorte porque ben sei non a precisades!!)
Unha aperta para todo o equipo XD
Parabéns! Está moi ben moi ben, e os de Lugo alegrámonos de poder ver a El Progreso integrado nunha web moito máis moderna e lexibe da que tiña antes. Preséntase un escenario moi interesante co voso novo proxecto e a aparición, pasadomañá, de A Nosa Terra diario. Noraboa a todo o equipo e a seguir con moita forza. Saúdos.